“Everton” qapıçısı mövsümün ən yaxşı seyvinin müəllifi oldu

“Everton”un qapıçısı Cordan Pikford İngiltərə Premyer Liqasının başa çatan mövsümündə ən yaxşı seyvin müəllifi seçilib.

90deqiqe.Az-ın məlumatına görə, Pikford 28-ci tur çərçivəsində səfərdə “Nyukasl”a qarşı keçirilən oyunda “irislar”ın qapısını qoruyub.

“Sent-Ceyms Park” stadionunda baş tutan görüşdə “soroklar”ın yarımmüdafiəçisi Sandro Tonali orta məsafədən güclü zərbə ilə qapını hədəf alıb. İngiltərə millisinin qapıçısı isə yüksək sürətlə istiqamətlənən topu möhtəşəm tullanışla dəf edib.

Qeyd edək ki, daha əvvəl Premyer Liqada mövsümün ən yaxşı qolu da seçilmişdi. Həmin mükafat “Fulhem” futbolçusuna məxsus olub və qol “Liverpul”a qarşı vurulub.