“Onun liderliyini hamı görür”

“Mançester Yunayted”in sabiq hücumçusu Ueyn Runi komandanın hazırkı kapitanı Bruno Fernandeş barədə fikirlərini bölüşüb.

90deqiqe.Az xəbər verir ki, "talkSPORT" sabiq futbolçunun dediklərini belə çatdırıb.

“Bilirəm ki, məşqlərdə Bruno kapitan kimi etməli olduğu hər şeyi edir. O, başqalarına kömək etməyə çalışır, motivasiya verir. Kim nə deyirsə-desin, biz onun liderlik keyfiyyətlərini görürük. Fernandeş əla kapitanıdır. Ümid edirəm ki, heyətin gücləndirilməsi ilə bizi Premyer Liqada qələbəyə aparacaq.”

Qeyd edək ki, portuqaliyalı futbolçu geridə qalan mövsümdə yüksək performans göstərib və Premyer Liqanın ən yaxşı oyunçusu seçilib. O, həmçinin turnirin tarixində bir mövsümdə ən çox məhsuldar ötürmə (21) rekordunu müəyyənləşdirib. “Qırmızı şeytanlar” Premyer Liqanın ötən mövsümünü üçüncü pillədə başa vurub.