“Qyökereş növbəti mövsümdə “Arsenal”ın əsas futbolçusu olacaq”

“Arsenal” klubunun sabiq futbolçusu Patrik Viyera komandanın şved hücumçusu Viktor Qyökereş barədə fikirlərini bölüşüb.

90deqiqe.Az xəbər verir ki, fransalı mütəxəssis futbolçunun gələcək mövsümdə “topçular” üçün əsas fiqurlardan birinə çevriləcəyinə inanır.

“Onun üçün çətin mövsüm oldu. Mənə elə gəldi ki, komanda onun bacarıqlarından tam şəkildə istifadə etmədi. Düşünürəm ki, növbəti mövsümdə Viktor “Arsenal”ın əsas futbolçularından biri olacaq”, – deyə Viyera bildirib.

Qeyd edək ki, Viktor Qyökereş ötən mövsüm İngiltərə Premyer Liqasında 36 oyuna çıxaraq 14 qol vurub və 1 məhsuldar ötürmə edib.

Xatırladaq ki, “Arsenal” 30 mayda UEFA Çempionlar Liqasının finalında Fransanın PSJ klubu ilə qarşılaşacaq. Matç Budapeştdə keçiriləcək və Bakı vaxtı ilə saat 20:00-da başlayacaq.