"Arteta mənə peşəkar baxımdan ilham verir"

Uels millisinin, “Arsenal” və “Yuventus”un sabiq yarımmüdafiəçisi Aaron Remsi “Arsenal”ın baş məşqçisi Mikel Artetanın ona peşəkar karyerasında ilham verdiyini bildirib. Hazırda Remsi məşqçilik üzrə təhsil alır.

 90deqiqe.Az  xəbər verir ki, o bu barədə "BBC"yə açıqlamasında danışıb:

“Bu, ilhamvericidir, çünki təxminən 10 il əvvəl Mikel də Uels Futbol Assosiasiyasının bazasında karyerasının başlanğıcında burada təhsil alırdı. 10 il sonra onun İngiltərə Premyer Liqasını qazanması və komandasını Çempionlar Liqasının finalına çıxarması çox gözəldir. Mən bütün böyük titulları qazanmaq istəyirəm. Məqsədim mümkün qədər yaxşı olmaqdır.

Dost kimi Mikel üçün çox sevinirəm, onun nə qədər çox çalışdığını və bu klub üçün hansı fədakarlıqla çalışdığını bilirəm”, – deyə Remsi bildirib.