"Azarkeşlərin fəxr edəcəyi komanda yaratmaq istəyirəm"

"Liverpul"un yeni baş məşqçisi Andoni İraola təyinatından sonra ilk dəfə mətbuat qarşısına çıxıb.

90deqiqe.Az-ın məlumatına görə, ispaniyalı mütəxəssis İngiltərə çempionluğunu qorumaq vəzifəsinin öhdəsindən gələ bilməyən Arne Slotun istefaya göndərilməsindən sonra Mersisayd təmsilçisinə rəhbərlik edib.

"Azarkeşlərə fəxr edə biləcəkləri bir komanda təqdim etmək istəyirəm"

Mütəxəssis yeni vəzifəsinin böyük məsuliyyət olduğunu vurğulayıb.

"Mən başa düşürəm ki, bu, nəhəng klubdur. Dediyim və etdiyim hər şey diqqət mərkəzində olacaq. Səhvlərə hazır olmaq lazımdır, amma həddindən artıq ehtiyatlı olmaq istəmirəm. Özüm olaraq qalmaq və işimi layiqincə yerinə yetirmək istəyirəm"

Qeyd edək ki, gələn həftə "Liverpul" ABŞ-də təlim-məşq toplanışı keçirəcək. Komanda burada "Sanderlend", "Lids" və "Reksem" klubları ilə yoxlama oyunları keçirəcək.