"Bruno Quimareşi itirmək bizim üçün ağır zərbə olar"

"Nyukasl"ın baş məşqçisi Eddi Hau komandanın kapitanı Bruno Quimareşin mümkün transferi ilə bağlı yayılan xəbərlərə münasibət bildirib.

90deqiqe.Az xəbər verir ki, bu barədə "Shields Gazette" məlumat yayıb.

 "Biz ən yaxşı futbolçularımızı itirmək istəmirik. Bu, tamamilə aydındır. Belə oyunçuların gedişi bizim üçün həm ağrılı, həm də çox çətin olardı", – deyə Eddi Hau bildirib.

Məlumata görə, "Arsenal" klubu yay transfer pəncərəsində braziliyalı yarımmüdafiəçini heyətinə qatmaq niyyətindədir. Lakin "Nyukasl" rəhbərliyi komandanın əsas oyunçularından biri ilə asanlıqla vidalaşmaq fikrində deyil.

 Bildirilir ki, "sağsağanlar" 28 yaşlı futbolçunu təxminən 116 milyon avro dəyərində qiymətləndirir. "Arsenal" isə transfer üçün 81 milyon avro təklif etməyə hazırdır

Qeyd edək ki, Bruno Quimareşin iyulun sonlarında komandanın məşqlərinə qoşulacağı gözlənilir.