"Onlara məhəl qoyma, evə qayıt"

İngiltərə millisinin və "Mançester Yunayted"in sabiq müdafiəçisi, hazırda televiziya eksperti kimi fəaliyyət göstərən Rio Ferdinand "Çelsi"nin Denni Uelbekə maraq göstərməsi ilə bağlı fikirlərini bölüşüb.

90deqiqe.Az-ın məlumatına görə, əfsanəvi futbolçu sosial şəbəkə hesabında 35 yaşlı hücumçuya "Mançester Yunayted"ə qayıtmaq çağırışı edib.

"Onlara məhəl qoyma və evə qayıt. Yeni mövsümdə "Mançester Yunayted" UEFA Çempionlar Liqasında çıxış edəcək", – deyə Rio Ferdinand paylaşımında yazıb.

Qeyd edək ki, Denni Uelbek ötən mövsüm İngiltərə Premyer Liqasında "Brayton"un heyətində 37 oyunda meydana çıxıb. Təcrübəli hücumçu bu görüşlərdə 13 qol vurub, 1 məhsuldar ötürmə edib və 5 sarı vərəqə alıb.