"Mudrik xüsusi futbolçudur"

"Çelsi"nin baş məşqçisi Xabi Alonso komandanın ukraynalı futbolçusu Mixail Mudriklə bağlı açıqlama verib.

90deqiqe.Az xəbər verir ki, daha əvvəl dopinq səbəbindən tətbiq olunan diskvalifikasiyası ləğv edilən Mudriklə bağlı ispan mütəxəssis müsbət fikirlər səsləndirib.

"Mən onu "Şaxtyor"da çıxış etdiyi vaxtlardan izləyirdim. Nə qədər böyük təsirə malik olduğunu, xüsusilə də fərdi mübarizələrdə nə qədər güclü olduğunu xatırlayıram. O, təkbaşına çoxlu təhlükəli epizodlar yarada bilirdi. Bu, xüsusi futbolçudur.

Düzünü desəm, məhz indi belə yaxşı xəbərlər alacağımızı gözləmirdik, amma buna çox şadıq", – deyə Alonso bildirib.

 Qeyd edək ki, Mixail Mudrik uzun müddətdir meydanlardan uzaq qalıb. Ukraynalı cinah hücumçusu sonuncu dəfə "Çelsi"nin heyətində 2024-cü ilin noyabrında meydana çıxıb.