"Çelsi" 35 yaşlı Denni Uelbeki transfer etdi

İngiltərə Premyer Liqasının nəhənglərindən olan "Çelsi" heyətini təcrübəli hücumçu Denni Uelbeklə gücləndirib.

90deqiqe.Az klubun rəsmi saytına istinadla xəbər verir ki, London klubu 35 yaşlı futbolçu ilə iki illik müqavilə imzalayıb.

Uelbek "Çelsi"yə "Brayton"dan transfer olunub.

Bildirilir ki, "Çelsi" bu yay transfer siyasətində dəyişiklik edərək daha çox təcrübəli futbolçulara üstünlük verməyə başlayıb.

Denni Uelbek futbol karyerasına "Mançester Yunayted" akademiyasında başlayıb və uzun illər əsas komandanın formasını geyinib. O, karyerası ərzində "Preston", "Sanderlend", "Uotford", "Arsenal" və "Brayton" klublarında da çıxış edib.

35 yaşlı hücumçu indiyədək klub karyerasında 534 rəsmi oyuna çıxıb, 124 qol vurub və 52 məhsuldar ötürmə ilə yadda qalıb.