"Belə bir fürsəti əldən verə bilməzdim"

İngiltərənin "Çelsi" klubunun yeni transferi Cordan Henderson London təmsilçisinə keçidini şərh edib.

90deqiqe.Az-ın məlumatına görə, 36 yaşlı yarımmüdafiəçi klubun mətbuat xidmətinə açıqlamasında "Çelsi"nin böyüklüyünün, baş məşqçinin və komandanın heyətinin bu qərarı verməsində əsas rol oynadığını bildirib.

"Klubun böyüklüyünü, böyük hörmət bəslədiyim baş məşqçini və heyətdəki futbolçuların səviyyəsini nəzərə alsaq, belə bir fürsəti əldən verə bilməzdim. Rəhbərliyin "Çelsi"ni yenidən uğurlara daşımaq və düzgün istiqamətdə inkişaf etdirmək əzmi məni çox təsirləndirdi. Mən də öz növbəmdə hər gün həm meydanda, həm də meydandan kənarda bütün gücümlə çalışaraq komandama və komanda yoldaşlarıma kömək edəcəyəm", – deyə Henderson bildirib.

Qeyd edək ki, "Çelsi" avqustun 3-də təcrübəli yarımmüdafiəçi ilə müqavilə imzalandığını rəsmən açıqlayıb. Tərəflər arasında bağlanan sözləşmə iki mövsüm müddətinə nəzərdə tutulub.