“Çelsi” “Real Sosyedad”a qalib gəldi

İngiltərənin “Çelsi” klubu yeni mövsümə hazırlıq çərçivəsində son yoxlama oyununu keçirib.

90deqiqe.Az xəbər verir ki, London təmsilçisi İspaniyanın “Real Sosyedad” komandasını 3:1 hesabı ilə məğlub edib.

“Çelsi”nin yeni transferi Morqan Rocers 11-ci dəqiqədə hesabı açaraq London klubunun heyətində ilk qolunu vurub. İlk hissənin sonlarına yaxın Xon Aramburu hesabı bərabərləşdirib.

İkinci hissədə isə “Çelsi”nin hücumçusu Joao Pedro səhnəyə çıxıb. Braziliyalı futbolçu 47-ci dəqiqədə komandasını yenidən önə keçirib. Joao Pedro 77-ci dəqiqədə daha bir dəfə fərqlənərək dubl edib və qarşılaşmanın yekun hesabını müəyyənləşdirib – 3:1.

Qeyd edək ki, bu oyun “Çelsi”nin yeni mövsüm öncəsi hazırlıq çərçivəsində son qarşılaşması olub. London təmsilçisi avqustun 24-də İngiltərə çempionatının I turunda “Fulhem”lə üz-üzə gələcək.