Arteta “Mançester Siti” üzərində qələbədən danışdı

“Arsenal”ın baş məşqçisi Mikel Arteta komandası ilə “Mançester Siti” arasında İngiltərə Superkubokunun 2026-cı il matçından sonra fikirlərini bölüşüb.

90deqiqe.Az-ın məlumatına görə,  Arteta komandasının mövsümün bu erkən mərhələsində göstərdiyi oyundan məmnun qaldığını bildirib:

“Bu qədər erkən mərhələdə belə yüksək səviyyəli çıxış həqiqətən möhtəşəmdir. Bu səviyyədə oynamaq və nümayiş etdirdiyimiz istəyi ortaya qoymaq çox xoşdur. Futbolçuların oyununu izləməkdən böyük zövq aldığımı onlara da dedim.

Bir qədər təəccübləndim. Çünki mövsümöncəsi hazırlıq zamanı üç fərqli qrupumuz oldu. Səkkiz və ya doqquz futbolçu cəmi beş gün əvvəl komandaya qoşulmuşdu. Onlar cəmi iki gün məşq etdilər və belə bir oyun göstərmələri olduqca təsiredicidir.

Bu, komandamızın istək səviyyəsindən və heyətimizin keyfiyyətindən xəbər verir”.

Qeyd edək ki, “Arsenal” İngiltərə Superkubokunun 2026-cı il matçında “Mançester Siti”ni 3:0 hesabı ilə məğlub edib.