“Mançester Siti”nin ulduzu Premyer Liqada ilk dəfə dubla imza atdı

“Mançester Siti”nin hücumameyilli yarımmüdafiəçisi Rayan Şerki yeni mövsümə uğurlu başlayıb.

90deqiqe.Az-ın məlumatına görə, 23 yaşlı futbolçu Premyer Liqanın 2-ci turunda “Kristal Pelas”la qarşılaşmada dubl edib. Fransalı oyunçu 54-cü və 59-cu dəqiqələrdə fərqlənərək komandasının qələbəsində mühüm rol oynayıb.

Şerki çempionatın ilk turunda “Bornmut”la matçda qol vura bilməsə də, iki məhsuldar ötürmə ilə yadda qalıb. Beləliklə, futbolçunun 2026/27 mövsümündə Premyer Liqada keçirdiyi iki oyundan sonra hesabında artıq 4 məhsuldar fəaliyyət var.

Qeyd edək ki, Şerki ilk dəfə “Mançester Siti”nin heyətində bir matçda iki və daha çox qol vurub.

“Kristal Pelas” – “Mançester Siti” qarşılaşmasının mətnli canlı yayımı davam edir.