“Liverpul” Premyer Liqada ikinci turda da xal itirdi

“Liverpul” İngiltərə Premyer Liqasının II turunda da qələbə qazana bilməyib.

90deqiqe.Az-ın məlumatına görə, Mersisayd təmsilçisi doğma meydanda “Nottinqem Forest”i qəbul edib. “Enfild” stadionunda keçirilən qarşılaşma 2:2 hesablı heç-heçə ilə başa çatıb.

Matçda hesabı 24-cü dəqiqədə qonaqların futbolçusu Dan Ndoye açıb. “Liverpul” 60-cı dəqiqədə Aleksander İsakın qolu ilə hesabı bərabərləşdirib.

70-ci dəqiqədə Morqan Qibbs-Uayt penaltidən dəqiq yararlanaraq “Nottinqem Forest”i yenidən önə çıxarıb. Meydan sahibləri 82-ci dəqiqədə Viktor Munyosun qolu ilə hesabı bərabərləşdirərək bir xal əldə ediblər.

Qeyd edək ki, “Liverpul” Premyer Liqanın ilk turunda da xal itirib. Komanda səfərdə “Nyukasl”la heç-heçə edib.