UEFA-nın qərarı İngiltərədə narazılıq yaratdı

İngiltərə Futbol Liqası (EFL) UEFA Çempionlar Liqasının “Liverpul” – “Atletiko” matçını sentyabrın 9-na təyin etməsindən narazı qalıb.

90deqiqe.Az-ın “Independent”ə istinadən məlumatına görə, bu qərardan sonra İngiltərə futbol turnirlərində üç qarşılaşmanın keçirilmə tarixinin dəyişdirilməsinə ehtiyac yaranıb. EFL isə UEFA-nın bu addımını “əməkdaşlıq etmək istəməməsi” kimi qiymətləndirib.

İngiltərə Liqa Kubokunun 3-cü turunda “Everton” – “Vulverhempton” oyunu sentyabrın 16-na keçirilib. “Liverpul” – “Tottenhem” qarşılaşması sentyabrın 16-sı əvəzinə bir gün əvvəl – 15 sentyabrda oynanılacaq.

Çempionşipdə “Vulverhempton” – “Portsmut” matçı isə oktyabrın 20-nə təxirə salınıb.

UEFA-dan bildirilib ki, problem yalnız oyunların təqvimi dərc edildikdən sonra üzə çıxıb. Həmin vaxt isə avrokubok matçlarına səfər etməyi əvvəlcədən planlaşdıran azarkeşlərə görə təqvimdə dəyişiklik etmək artıq mümkün olmayıb.