“Liverpul” 18 yaşlı vingeri ilə yeni müqavilə imzalayacaq

“Liverpul”un 18 yaşlı vingeri Rio Nqumoa ilə müqaviləni yeniləməyə hazırlaşdığı bildirilir.

90deqiqe.Az-ın “TEAMtalk”a istinadən məlumatına görə, tərəflər əməkdaşlığın davam etdirilməsi ilə bağlı prinsipial razılığa gəliblər. Yeni müqavilənin detalları açıqlanmasa da, sözləşmənin uzunmüddətli olacağı qeyd edilir.

Nqumoa 2024-cü ildə “Çelsi”dən “Liverpul”a keçib. Gənc futbolçu cari mövsümdə İngiltərə Premyer Liqasında 2 oyunda meydana çıxıb, lakin məhsuldar fəaliyyətlə yadda qalmayıb.

Qeyd edək ki, Rio Nqumoanın “Liverpul”la hazırkı müqaviləsi 2028-ci ilin yayına qədər qüvvədədir. “Transfermarkt” portalı onun bazar dəyərini 30 milyon avro qiymətləndirir.