“Məğlubiyyət heç vaxt sevindirə bilməz”

“Çelsi”nin baş məşqçisi Xabi Alonso İngiltərə Premyer Liqasının III turunda “Arsenal”a qarşı keçirilən oyundan sonra fikirlərini bölüşüb.

 90deqiqe.Az-ın məlumatına görə, "Sky Sports" təcrübəli çalışdırıcının dediklərini belə çatdırıb.

“Bu, ağrılıdır. Müxtəlif mərhələləri və epizodları olan çox gərgin oyun keçirdik. Hesabı bərabərləşdirmək üçün imkanlarımız oldu. İlk hissədə də bir neçə şansımız var idi. Ona görə də qarşılaşma çox bərabər alındı, hər şeyi xırda detallar həll etdi. Məğlubiyyət heç vaxt sevindirə bilməz”, - deyə Alonso bildirib.

“Qol vurduqdan sonra 15-20 dəqiqə ərzində həddindən artıq çox müdafiə olunmalı olduq və oyuna nəzarəti ələ almaq bizim üçün bir qədər çətinləşdi. Rəqib hesabı bərabərləşdirdikdən sonra topa sahib olduğumuz yaxşı dəqiqələr oldu. Morqanın və Pedronun da qol imkanları yarandı”.

“İkinci qolu buraxdığımız epizodda daha yaxşı oynaya bilərdik. Rəqib çox sürətli şəkildə fərqləndi. Buna baxmayaraq, oyunun içində qalmaqda davam etdik. Futbolçular bütün güclərini ortaya qoydular və əllərindən gələn hər şeyi etdilər. Bu, bizim ilk məğlubiyyətimizdir. İşimizi davam etdirməliyik”, - deyə “Çelsi”nin baş məşqçisi əlavə edib.

Qeyd edək ki, “topçular”ın 2:1 hesablı qələbəsi ilə başa çatan qarşılaşmanı dəyərləndirən ispan mütəxəssis məğlubiyyətdən məyus olduğunu bildirib.

“Çelsi” 3 turdan sonra 6 xalla İngiltərə Premyer Liqasının turnir cədvəlində dördüncü pillədə qərarlaşıb.