“Arsenal” səfərdə “Sanderlend”ə qalib gəldi

İngiltərə Premyer Liqasının IV turunda “Sanderlend” doğma meydanda “Arsenal”ı qəbul edib.

90deqiqe.Az xəbər verir ki, “Stadium of Light” stadionunda keçirilən qarşılaşma London təmsilçisinin 2:0 hesablı qələbəsi ilə başa çatıb.

İkinci hissənin əvvəlində “Sanderlend” hesabı açmaq üçün əlverişli imkan əldə edib. 56-cı dəqiqədə Enzo Le Fye penalti zərbəsi yerinə yetirsə də, topu qapıdan keçirə bilməyib.

Bundan cəmi iki dəqiqə sonra “Arsenal” hesabı açıb. Bruno Gimaraeş 58-ci dəqiqədə fərqlənərək komandasını önə keçirib.

Meydan sahiblərinin vəziyyəti 90+6-cı dəqiqədə daha da çətinləşib. Reynildu Mandava ikinci sarı vərəqə alaraq meydandan qovulub.

“Arsenal” isə 90+7-ci dəqiqədə penaltidən yararlanaraq hesabı 2:0-a çatdırıb. Bukayo Saka 11 metrlik cərimə zərbəsini dəqiq yerinə yetirib.

Beləliklə, “Arsenal” 12 xalla turnir cədvəlinin lideridir. “Sanderlend” isə 4 xalla 14-cü pillədə qərarlaşıb.

Qeyd edək ki, Premyer Liqanın növbəti turunda “Sanderlend” sentyabrın 20-də səfərdə “Mançester Siti” ilə qarşılaşacaq. “Arsenal” isə sentyabrın 19-da səfərdə “Brayton”un qonağı olacaq.