“Mançester Yunayted” Liqa Kubokunda “Brayton”a uduzdu

İngiltərə Liqa Kubokunun 1/16 final mərhələsində “Mançester Yunayted” doğma meydanda “Brayton”la qarşılaşıb.

90deqiqe.Az-ın məlumatına görə, “Old Trafford” stadionunda keçirilən görüşdə meydan sahibləri 2:3 hesabı ilə məğlub olaraq turnirdə mübarizəni dayandırıblar.

“Mançester Yunayted” 8-ci dəqiqədə Şi Leysinin qolu ilə hesabı açıb. Bir müddət sonra Meyson Maunt fərqi iki topa çatdırıb. Lakin fasilə ərəfəsində Haralambos Kostulas “Brayton”un fərqi azaltmasına imkan verib.

65-ci dəqiqədə Paskal Qrosun qolu ilə hesab bərabərləşib. 70-ci dəqiqədə Maksim de Kuyper “Brayton”a qələbə qazandıran qolu vurub.

Beləliklə, “Brayton” növbəti mərhələyə yüksəlib, “Mançester Yunayted” isə Liqa Kubokunda mübarizəni başa vurub.