“Mançester Siti” 8 qolluq oyunda qalib gəldi

İngiltərə Premyer Liqasının V turunda “Mançester Siti” doğma meydanda “Sanderlend”lə qarşılaşıb.

90deqiqe.Az-ın məlumatına görə, “Etihad” stadionunda keçirilən görüşün baş hakimi Robert Cons olub. Qarşılaşma meydan sahiblərinin 5:3 hesablı qələbəsi ilə başa çatıb.

“Mançester Siti” 9-cu dəqiqədə hesabı açıb. Komandanın yeni transferi Enzo Fernandes fərqlənib. Üç dəqiqə sonra “Sanderlend”in hücumçusu Brayan Brobbi hesabı bərabərləşdirib.

29-cu dəqiqədə Rayan Şerki Antuan Semenyonun ötürməsindən sonra topu qapıdan keçirərək “şəhərlilər”i yenidən önə çıxarıb. Lakin Brobbi 33-cü dəqiqədə ikinci dəfə fərqlənərək hesabı 2:2 edib.

İlk hissənin 43-cü dəqiqəsində Semenyo özü də adını tabloya yazdırıb.

İkinci hissədə də qolların ardı-arası kəsilməyib. 57-ci dəqiqədə Semenyo dublunu rəsmiləşdirib. İki dəqiqə sonra Brobbi üçüncü qolunu vuraraq het-trik edib.

Matçın 81-ci dəqiqəsində Erlinq Holand fərqlənərək yekun hesabı müəyyənləşdirib – 5:3.

Bu qələbədən sonra “Mançester Siti” 5 oyundan 15 xal toplayaraq Premyer Liqanın turnir cədvəlində liderliyini qoruyub. “Sanderlend” isə 4 xalla 14-cü pillədə qərarlaşıb.