“Mançester Yunayted” “Fulhem”lə heç-heçə etdi

İngiltərə Premyer Liqasının V turunda “Fulhem” və “Mançester Yunayted” komandaları üz-üzə gəlib.

90deqiqe.Az-ın məlumatına görə, qarşılaşma 1:1 hesabı ilə başa çatıb.

İlk hissədə komandalar fərqlənə bilməyiblər. Tərəflər yaradılan qol imkanlarından yararlana bilməyib və fasiləyə 0:0 hesabı ilə yollanıblar.

İkinci hissədə isə qollar gəlib. 63-cü dəqiqədə “Mançester Yunayted”in müdafiəçisi Lisandro Martines topu öz qapısına göndərib. Bununla da “Fulhem” hesabda önə keçib – 1:0.

Lakin “Mançester Yunayted” dörd dəqiqə sonra hesabı bərabərləşdirib. 67-ci dəqiqədə Mateus Kunha Patrik Dorgunun ötürməsini dəqiq tamamlayıb – 1:1.

Qalan dəqiqələrdə komandalar hesabı dəyişə bilməyiblər və görüş heç-heçə başa çatıb.

Beləliklə, “Fulhem” və “Mançester Yunayted” hərəyə bir xal qazanıblar.