Endi Kerrolldan illər sonra gələn etiraf - “Dəhşətli hadisə yaşadım”

İngiltərənin sabiq futbolçusu Endi Kerroll 2021-ci ildə seksual təcavüzə məruz qaldığını açıqlayıb.

90deqiqe.Az-ın məlumatına görə, keçmiş hücumçunun sözlərinə görə, hadisə yuxuda olduğu zaman keçmiş sevgilisinin dostu tərəfindən törədilib.

“Dəhşətli bir hadisə yaşamalı oldum, lakin bu barədə indiyədək çox az adam bilirdi. Bu barədə danışmaq çox çətindir. Təbii ki, müsbət təcrübələrlə yanaşı, məhz bu hadisə də bu gün olduğum insanın formalaşmasına təsir edib. Hadisə həyatımın bütün sahələrinə təsir göstərdi. Hər gün bu barədə düşünürdüm. Buna görə də futbol da daxil olmaqla, başqa heç nəyə diqqət yetirməkdə çətinlik çəkirdim”, – deyə Kerroll avtobioqrafiyasında yazıb.

Kerroll bildirib ki, baş verənləri kitabına daxil etmək qərarını son anda verib.