“Mançester Yunayted” “Mançester Siti”yə görə mümkün maliyyə itkilərini hesablayıb

“Mançester Yunayted” “Mançester Siti”nin İngiltərə Premyer Liqasının maliyyə qaydalarını pozduğu dövrlə bağlı mümkün maliyyə itkilərini daxili şəkildə qiymətləndirib.

90deqiqe.Az-ın “The Athletic"ə istinadən məlumatına görə, hesablamalara Premyer Liqada əldən verilən çempionluqlar və Çempionlar Liqasına vəsiqənin əldə olunmaması ilə bağlı mümkün itkilər də daxil edilib.

Qeyd edək ki, sentyabrın 25-də “The Athletic” “Mançester Siti”nin İngiltərə Premyer Liqasının maliyyə qaydalarını pozmaqda təqsirli bilindiyini yazıb.

Məlumata görə, “şəhərlilər”ə qarşı irəli sürülən 115 ittihamdan 114-də klub günahkar bilinib. Bu pozuntular 2009-2018-ci illər arasındakı dövrü əhatə edir.