De Xea “Mançester Siti”nin mümkün cəzasına belə reaksiya verdi

“Mançester Yunayted”in sabiq qapıçısı David de Xea “Mançester Siti”nin mümkün cəzası ilə bağlı xəbərlərə münasibət bildirib.

90deqiqe.Az-ın məlumatına görə, hazırda “Fiorentina”da çıxış edən De Xea sosial şəbəkə hesabında bu barədə paylaşım edib:

“Beləliklə... Gəlin danışaq. Belə olan halda mən neçə Premyer Liqa çempionluğu qazanmışam?”

Qeyd edək ki, “şəhərlilər” maliyyə qaydalarının pozulması ilə bağlı 115 ittihamdan 114-də təqsirli biliniblər. Mümkün sanksiyalar arasında əvvəlki mövsümlərdən xalların silinməsi, maliyyə cəriməsi və hətta Premyer Liqadan kənarlaşdırılma da var.

Əlavə edək k, ispaniyalı qapıçı 2011-2023-cü illərdə “Mançester Yunayted”in formasını geyinib. Bu müddətdə “qırmızı şeytanlar” bir dəfə İngiltərə çempionu olublar. Komanda üç dəfə isə mövsümü ikinci pillədə başa vurub və bütün hallarda “Mançester Siti”dən sonra qərarlaşıb.