“Arsenal”ın müdafiəçisi Uilyam Saliba noyabrda meydana qayıda bilər

“Arsenal”ın müdafiəçisi Uilyam Saliba noyabr ayında meydana qayıda bilər.

 90deqiqe.Az-ın məlumatına görə, bu barədə “L’Équipe” məlumat yayıb.

25 yaşlı fransalı futbolçu dünya çempionatı zamanı belindən zədə alıb. Turnirdən əvvəl Salibanın yarışda iştirak edə bilməyəcəyi ilə bağlı ciddi narahatlıqlar var idi. Lakin o, Fransa millisinin İspaniya ilə yarımfinal matçına qədər keçirdiyi bütün oyunlarda əsas heyətdə meydana çıxıb. Müdafiəçi məhz İspaniya ilə görüşün ilk hissəsində zədələnib.

Saliba əməliyyatdan imtina edərək konservativ müalicə üsulunu seçib. “Arsenal”da onun meydana qayıdışını sürətləndirmək niyyətində deyillər. Bu ayın əvvəlində keçirilən tibbi müayinə bərpa prosesinin uğurla getdiyini göstərib və futbolçu yaxın vaxtlarda məşqlərə və oyunlara qayıda bilər.

Salibanın yoxluğunda “Arsenal”ın heyətində onun yerini Ezri Konsa tutub. Fransa millisində isə bu fürsətdən “Liverpul”un müdafiəçisi Jeremi Jakete yararlanıb.