Liverpul sponsoruna məhkəmədə qalib gəldi

"Liverpul" hazırkı texniki sponsoru olan "New Balance" şirkətinə məhkəmədə qalib gəlib.

Corner.az-ın xarici mətbuata istinadən məlumatına görə, məhkəmə idman avadanlığı istehsalçısının şikayətinə baxıb.

Nəticədə şirkətin şikayəti qəbul edilməyib və klub haqlı çıxarılıb. Bununla da Premyer Liqa təmsilçisi gələn ilin yayında, müqavilənin müddəti bitdikdə şirkətlə yollarını ayıra biləcək. Liverpulun yeni texniki sponsorunun bir neçə həftə əvvəl razılığa gəlinən "Nike" olacağı gözlənilir.

Qeyd edək ki, "New Balance" yeni müqavilə üçün "Nike" qədər məbləğ təklif etsə də, klub buna razılıq verməmişdi.