“İpsviç Taun” son dəqiqələrdə geridönüş edərək qalib gəldi

İngiltərə Premyer Liqasının VI turunda “İpsviç Taun” doğma meydanda “Fulhem”i qəbul edib.

90deqiqe.Az-ın məlumatına görə, qarşılaşma meydan sahiblərinin 2:1 hesablı qələbəsi ilə başa çatıb.

İlk hissədə komandalar qol vura bilməyiblər. Hesab ikinci hissədə açılıb. Görüşün 55-ci dəqiqəsində Rayan Sessenyon “Fulhem”i önə keçirərək meydan sahiblərini çətin vəziyyətə salıb.

Bununla belə, “İpsviç Taun” mübarizəni davam etdirib və hücumlarını gücləndirib. Meydan sahiblərinin səyləri 88-ci dəqiqədə nəticə verib. Abdul Uattara hesabı bərabərləşdirib – 1:1.

Qarşılaşmanın heç-heçə ilə başa çatacağı ehtimal edilsə də, “İpsviç Taun” əlavə olunmuş dəqiqələrdə daha bir qol vuraraq əzmkar qələbə qazanıb və üç xala sahib çıxıb.