“Estevao “Çelsi “də böyük futbolçuya çevrilməyə bilər”

“Çelsi”nin sabiq yarımmüdafiəçisi Pat Nevin London klubunun hücumçusu Estevao Villian barədə fikirlərini bölüşüb.

90deqiqe.Az-ın məlumatına görə, 1983-1988-ci illərdə komandanın formasını geyinmiş mütəxəssis braziliyalı futbolçunun böyük istedada malik olduğunu, lakin hazırkı vəziyyətin onun inkişafına mane olduğunu bildirib.

 “Estevao böyük futbolçu olacaq, amma yəqin ki, ‘Çelsi’də yox. Mən onun dərhal komandadan ayrılmalı olduğunu demirəm. Ancaq futbolçunun karyerası məhdud müddət davam edir və onun çox oynaması lazımdır”, – deyə Nevinin sözlərini "Goal" nəşri sitat gətirib.

“Estevaonun əsas problemi oyun sistemidir. ‘Çelsi’nin hazırkı taktikası və heyəti onun imkanlarını məhdudlaşdırır. Ola bilsin ki, mövsümün sonuna qədər 30 matçda iştirak etsin, amma bəzi görüşlərdə cəmi 15 dəqiqə meydanda qalsın. Bu, onun ehtiyac duyduğu şey deyil”, – deyə sabiq futbolçu əlavə edib.

Qeyd edək ki, 2026/2027 mövsümündə 19 yaşlı hücumçu İngiltərə Premyer Liqasında cəmi 29 dəqiqə meydanda olub. Xabi Alonsonun klassik cinah hücumçuları olmadan 3-4-2-1 sxemindən istifadə etməsi səbəbindən Estevao heyətdə Kol Palmer və Morqan Rocerslə rəqabətdə geri qalır.

“Palmeyras”dan “Çelsi”yə keçən Estevaonun London klubu ilə müqaviləsi 2033-cü ilə qədər qüvvədədir.