“O, meydanda hər kəsin oyununu yaxşılaşdırır”

“Mançester Siti”nin baş məşqçisi Enzo Mareska komandanın mərakeşli yarımmüdafiəçisi Ayub Buaddu barədə fikirlərini bölüşüb.

90deqiqe.Az-ın məlumatına görə, mütəxəssis 19 yaşlı futbolçunun həm fərdi keyfiyyətlərini, həm də komanda yoldaşlarının inkişafına verdiyi töhfəni yüksək qiymətləndirib.

“Ayub möhtəşəm futbolçudur. Onun üstünlüyü ondadır ki, meydanda olarkən komanda yoldaşlarının inkişafına kömək edir. Bu, yüksək səviyyəli oyunçulara xas xüsusiyyətdir. Buaddu meydanda olanda ətrafındakı hər kəsin oyunu yaxşılaşır”, – deyə Mareskanın sözlərini insayder Fabritsio Romano sosial şəbəkələrdə paylaşıb.

Qeyd edək ki, Ayub Buaddu ötən yay Fransanın “Lill” klubundan “Mançester Siti”yə keçib. İngiltərə təmsilçisi mərakeşli yarımmüdafiəçinin transferi üçün 95 milyon avro ödəyib. Tərəflər arasında müqavilə 2031-ci ilə qədər nəzərdə tutulub.