“Lids” “Mançester Yunayted”lə heç-heçə etdi

İngiltərə Premyer Liqasının 7-ci turunda “Lids Yunayted” və “Mançester Yunayted” komandaları üz-üzə gəlib.

90deqiqe.Az-ın məlumatına görə, “Elland Roud” stadionunda keçirilən görüş 1:1 hesabı ilə başa çatıb. Matçı Darren İngland idarə edib.

35-ci dəqiqədə Brayan Mbeumo hesabı açaraq qonaqları önə keçirib. Dominik Kalvert-Lyuin isə 51-ci dəqiqədə fərqlənərək tarazlığı bərpa edib.

Bu nəticədən sonra “Lids Yunayted” 10 xalla turnir cədvəlinin 7-ci pilləsində qərarlaşıb. “Mançester Yunayted” isə 7 xalla 13-cü yerdədir.

Qeyd edək ki, növbəti turda, oktyabrın 25-də “Lids Yunayted” səfərdə “Sanderlend”lə, “Mançester Yunayted” isə doğma meydanda “Bornmut”la qarşılaşacaq.