“Bu nəticəyə layiq deyildik”

“Nottingem Forest”in baş məşqçisi Oliver Qleyzer İngiltərə çempionatının VII turunda “Arsenal”a 0:1 hesabı ilə məğlub olduqları oyunu şərh edib. London təmsilçisi yeganə qolu 80-ci dəqiqədə vurub.

90deqiqe.Az-ın məlumatına görə, “BBC" təcrübəli çalışdırıcının dediklərini belə çatdırıb.

“Düşünürəm ki, bu gün belə nəticəyə layiq olmadığımızı hamı qəbul edir. Lakin bu, növbəti məğlubiyyətimiz və “Siti Qraund”da qol vura bilmədiyimiz daha bir oyundur”

Mütəxəssis müdafiədə yüksək səviyyədə çıxış etdiklərini bildirib:

“Rəqibin zərbəsi müdafiəçiyə dəyərək istiqamətini dəyişdi və “Arsenal” qələbə qazandı. Bizim də qol imkanlarımız oldu. Çempionlara qarşı oyunlarda belə fürsətləri dəyərləndirmək vacibdir. Bu gün yaxşı oyun, əzmkarlıq, komanda ruhu və enerji nümayiş etdirdik, amma istədiyimiz nəticəni əldə edə bilmədik”.

Qleyzerin sözlərinə görə, “Arsenal”a qapı çərçivəsinə cəmi bir zərbə vurmağa imkan vermələri müdafiədə yaxşı iş gördüklərini göstərir. O, komandanın oyunu təhlil edəcəyini, müsbət əhval-ruhiyyəni qoruyacağını və birlikdə çalışmağa davam edəcəyini vurğulayıb.

“Bilirəm ki, nəticələr gələcək”, – deyə baş məşqçi əlavə edib.

Qeyd edək ki, “Nottingem Forest” 5 xalla turnir cədvəlinin 18-ci pilləsində qərarlaşıb. “Arsenal” isə 18 xalla ikinci yerdədir.