“Mançester Siti”nin maliyyə hesabatları ilə bağlı ilkin yoxlamaya başlanılıb

Böyük Britaniyanın Maliyyə Hesabatları Şurası (FRC) müstəqil komissiyanın maliyyə qaydalarının pozulması ilə bağlı gəldiyi nəticələrdən sonra “Mançester Siti”nin maliyyə hesabatlarını ilkin yoxlamaya alıb.

 90deqiqe.Az-ın “Daily Star”a istinadən məlumatına görə, hələlik beşinci ola biləcək rəsmi araşdırmaya başlanılmayıb.

Komissiyanın qənaətinə əsasən, klub doqquz il ərzində saxta müqavilələrdən istifadə etməklə gizli şəkildə təxminən 1,15 milyard avro əldə edib və daha sonra maliyyə hesabatlarında təhrif olunmuş məlumatlar təqdim edib. “Mançester Siti” isə bu qərardan şikayət verərək, hüquqi və faktiki xarakterli ciddi səhvlərə yol verildiyini bildirib.

Bundan əlavə, hakimiyyət orqanlarının diqqətini klubun sahibi, şeyx Mənsurla əlaqəli şirkətlərə dövlət vəsaitləri hesabına ayrılmış təxminən 63 milyon avro məbləğində kredit cəlb edib.

Müstəqil futbol tənzimləyicisi də “Mançester Siti”nin sahiblərinin klubu idarə etmək üçün müəyyən edilmiş tələblərə uyğun olub-olmadığını qiymətləndirməyi planlaşdırır.