“Foden birlikdə oynadığım ən texnikalı futbolçudur”

“Mançester Siti”nin sabiq kapitanı Kayl Uoker Fil Fodeni karyerası ərzində birlikdə oynadığı ən texnikalı futbolçu adlandırıb.

 90deqiqe.Az-ın məlumatına görə, Uoker bu barədə “talkSPORT”a açıqlamasında danışıb.

“Texniki bacarıqlara gəldikdə, Foden, şübhəsiz ki, indiyədək gördüyüm futbolçular arasında ən yaxşısıdır”, – deyə sabiq müdafiəçi bildirib.

O, Fodenin topla davranışını da yüksək qiymətləndirib:

“Fodenin topla etdikləri sadəcə inanılmazdır. Əgər o, “Mançester Siti”də bacardığı səviyyədə oynasa, İngiltərə millisinə çağırılacağı açıq-aydındır”, – deyə Uoker əlavə edib.

Qeyd edək ki, Fil Foden cari mövsümdə keçirdiyi səkkiz oyunda dörd qol vurub və üç məhsuldar ötürmə edib. Onun “Mançester Siti” ilə müqaviləsi 2030-cu ilə qədər qüvvədədir.