“Çelsi”nin futbolçusu 36 yaşlı komanda yoldaşını təriflədi

“Çelsi”nin cinah oyunçusu Morqan Rocers komandanın 36 yaşlı mərkəz yarımmüdafiəçisi Cordan Hendersonun çıxışını yüksək qiymətləndirib.

90deqiqe.Az xəbər verir ki, klubun mətbuat xidməti Rocersin fikirlərini yayıb.

“Cordan hələ də ən yüksək səviyyədə oynaya bilər. O, hələ də hamını geridə qoya bilər. Henderson məqsədyönlü futbolçudur və əla formadadır. İnsanlar onun yaşı barədə nə qədər çox danışsalar, o da yanıldıqlarını sübut etmək üçün bir o qədər həvəsli olur. Buna görə də insanlar onu qoca adlandırmağa və artıq əvvəlki gücündə olmadığını deməyə davam etməlidirlər. Çünki bu, onu daha da yaxşılaşdıracaq!” – deyə Rocers bildirib.

Qeyd edək ki, Henderson 2026-cı ilin yayından “Çelsi”də çıxış edir. O, komandanın heyətində bütün turnirlərdə üç oyunda meydana çıxıb, iki qol vurub və bir məhsuldar ötürmə edib.