Emeri Özili "sildi"

“Arsenal”ın baş məşqçisi Unai Emeri Məsut Özilin dalbadal beş matçda sifariş ərizəsinə salınmamasına münasibət bildirib.

Corner.az xəbər verir ki, keçirdiyi mətbuat konfransında o deyib: “Biz – klub və komanda vahid strategiyamıza sadiq qalırıq. Ən vacib olan komanda və onun oyunudur”.

Emeri bildirib ki, Özilin heyətə düşməməsi haqda qərar tək onun deyil, bütün klubundur: “Bilirəm ki, azarkeşlər bu haqda çox şey bilmək istəyir. Amma indi ondan (Özildən – red.) danışmaq vaxtı deyil”.

Emeri fikirlərinin bazar günü “Kristal Palas”a qarşı keçiriləcək oyuna yönəldiyini söyləyib. (qol)