“Mançester Yunayted” doğma meydanda darmadağın oldu

İngiltərə Premyer Liqasının 2026/2027-ci illər mövsümünün 8-ci turunda “Mançester Yunayted” doğma meydanda “Bornmut”a 0:3 hesabı ilə məğlub olub.

90deqiqe.Az-ın məlumatına görə, “Old Trafford” stadionunda keçirilən qarşılaşmanı 76 212 tamaşaçı izləyib. Matçın baş hakimi Cared Gillett olub.

Qonaqlar 38-ci dəqiqədə hesabı açıblar. Castin Klyuyvertin ötürməsini dəqiq tamamlayan braziliyalı hücumçu Rayan “Bornmut”u önə keçirib.

Birinci hissənin sonuna yaxın, 43-cü dəqiqədə Markus Tavernye Adrian Trüfferin məhsuldar ötürməsindən sonra fərqi iki topa çatdırıb.

Qarşılaşmanın yekun nəticəsini isə 71-ci dəqiqədə Evanilson müəyyənləşdirib. Lyuis Kukun ötürməsindən sonra fərqlənən braziliyalı hücumçu “Bornmut”un böyükhesablı qələbəsini rəsmiləşdirib.

Bu məğlubiyyətdən sonra “Mançester Yunayted” 8 oyundan topladığı 7 xalla Premyer Liqanın turnir cədvəlində 16-cı pillədə qərarlaşıb. “Bornmut” isə 9 xalla 13-cü yerdədir.