Məğlubiyyətə görə maaşlarından imtina etdilər

İngiltərə Premyer Liqasında "Lester" matçda darmadağın olan "Sauthempton" klubunun məşqçilər korpusu və futbolçuları nümunəvi addımla diqqət çəkib.

Corner.az-ın klubun rəsmi saytına istinadən məlumatına görə, sözügedən məşqçilər və futbolçular maaşlarının bir hissəsindən imtina ediblər.

Belə ki, onlar əməkhaqqılarının müəyyən məbləğini xeyriyyə fonduna bağışlamaq qərarını veriblər. Klub həmin bu məbləği kimsəsizlərə kömək edən fonda köçürəcəyini bildirib.

Qeyd edək ki, "Sauthempton" öz meydanında 9 cavabsız top buraxaraq, tarixinin ən böyükhesablı məğlubiyyətini alıb.