“Tottenhem” “Kristal Pelas”ı məğlub etdi

İngiltərə Premyer Liqasının 2026/2027 mövsümünün 9-cu turunda “Tottenhem” doğma meydanda “Kristal Pelas”ı 2:0 hesabı ilə məğlub edib.

90deqiqe.Az xəbər verir ki, Londondakı “Tottenhem Hotspur” stadionunda keçirilən görüşü Maykl Oliverin başçılıq etdiyi hakimlər briqadası idarə edib.

Qarşılaşmanın 13-cü dəqiqəsində “Kristal Pelas”ın hücumçusu Jan-Filip Mateta qırmızı vərəqə alaraq meydandan qovulub. Azlıqda qalan qonaqlar 25-ci dəqiqədə hesabda geri düşüblər. “Tottenhem”in müdafiəçisi Arçi Qrey komandasını önə keçirib. 73-cü dəqiqədə Yan-Paul van Hekke fərqi iki topa çatdıraraq oyunun yekun hesabını müəyyənləşdirib.

Bu qələbədən sonra “Tottenhem” 9 oyunda topladığı 12 xalla turnir cədvəlinin 8-ci pilləsində qərarlaşıb. “Kristal Pelas” isə 7 xalla 18-ci yerdədir.

Növbəti turda “Tottenhem” noyabrın 7-də səfərdə “Lids Yunayted”lə qarşılaşacaq. “Kristal Pelas” isə noyabrın 8-də doğma meydanda “Liverpul”u qəbul edəcək.