Poqba dekabra qədər oynamayacaq

"Mançester Yunayted"in futbolçusu Pol Poqba daha bir müddət komandasına kömək edə bilməyəcək.

Corner.az xarici mətbuata istinadən xəbər verir ki, bu barədə baş məşqçi Ole Qunnar Sulşer məlumat verib.

Norveçli mütəxəssis bildirib ki, 26 yaşlı yarımmüdafiəçi noyabrda da komandadan ayrı qalacaq: "Poqbanı dekabra qədər oyunlarda görəcəyimizi düşünmürəm. O, uzun müddətə sıradan çıxıb. Tam sağalması üçün zamana ehtiyacı var. Ola bilsin onu dekabrda meydanda görə bilərik".

Qeyd edək ki, Pol Poqba sonuncu dəfə Premyer Liqanın VII turu çərçivəsində "Arsenal"la matçda çıxış edib.