“Bu klubda hər şey xoşuma gəlir”

“Aston Villa”dan “Çelsi” klubuna keçən hücumçu Morqan Rocers yeni komandaya uyğunlaşması barədə fikirlərini bölüşüb.

90deqiqe.Az-ın məlumatına görə, futbolçu “zadəganlar”ın heyətindəki çıxışından məmnun olduğunu bildirib.

“Bu klubda hər şey xoşuma gəlir. Bu, mənim üçün yeni çağırışdır. Əsas məsələ komandamızın vahid kollektiv olmasıdır. Mən lider olmaq və ən yaxşı bacardığım işi görmək istəyirəm. Başlanğıcım əla alındı, eyni ruhda davam etmək lazımdır”, – deyə hücumçunun sözlərini insayder Fabritsio Romano sosial şəbəkə hesablarında paylaşıb.

24 yaşlı futbolçunun transferi “Çelsi”yə 138 milyon avroya başa gəlib. O, London klubu ilə 2033-cü il iyunun sonunadək müqavilə imzalayıb.

Morqan Rocers cari mövsümdə İngiltərə Premyer Liqasında doqquz oyuna çıxıb və beş qol vurub.