“Arsenal” “Hall Siti”ni məğlub edərək liderliyini qorudu

İngiltərə Premyer Liqasının 2026/2027 mövsümünün 10-cu turunda “Arsenal” doğma meydanda “Hall Siti”ni qəbul edib.

90deqiqe.Az-ın məlumatına görə, “Emireyts” stadionunda keçirilən görüş London təmsilçisinin 1:0 hesablı qələbəsi ilə başa çatıb. Matçın baş hakimi Faray Hallam olub.

Qarşılaşmada yeganə qolu 72-ci dəqiqədə “Arsenal”ın yarımmüdafiəçisi Martin Edeqor vurub.

Bu qələbədən sonra xallarının sayını 27-yə çatdıran “Arsenal” turnir cədvəlinin liderliyini qoruyub. Bir oyun ehtiyatı olan “Mançester Siti”dən altı xal öndə olan London klubu birinci pillədə qərarlaşıb.

11 xalı olan “Hall Siti” isə 13-cü yerdədir.