Liverpool'un hücumçusu futboldan uzaqlaşdırıla bilər

Liverpool'un hücumçusu Daniel Sturridge 6 aylıq cəza ala bilər.

Corner.az goal.az-a istinadən məlumat verir ki, buna səbəb futbolçunun qeyri-qanuni mərc oyununda iştirakıdır. Mart ayında başlayan istintaq artıq yekunlaşmaq üzrədir. İngiltərə Futbol Federasiyası futbolçuya müdafiə üçün əlavə vaxt verib. Əgər futbolçu özünü təmizə çıxara bilməsə, onu 6 ay futboldan uzaqlaşdırma cəzası gözləyir.

Qeyd edək ki, iddiaya görə, Sturridge öz transferi üzərinə mərc oyununda iştirak edib. O, Milan'a keçidi gündəmdə olarkən bu transferin reallaşıb-reallaşmayacağına görə 10 min sterlinq məbləğində pul qoyub.