Bruno Fernandeş “Mançester Yunayted”in yeni müqavilə təkliflərini rədd edib

“Mançester Yunayted”in yarımmüdafiəçisi Bruno Fernandeş klubun müqavilənin uzadılması ilə bağlı bir neçə təklifindən imtina edib.

90deqiqe.Az-ın “The Touchline”ə istinadən məlumatına görə, portuqaliyalı futbolçu real layihə və konkret perspektivlər görməyənədək klubla yeni uzunmüddətli müqavilə imzalamağa razı olmayacaq.

Bununla belə, “Mançester Yunayted”in Fernandeşlə hazırkı müqaviləni daha bir mövsüm – 2028-ci ilin ortalarınadək uzatmaq hüququ var. Daha əvvəl klubun bu bənddən istifadə edəcəyi barədə məlumat yayılmışdı.

Qeyd edək ki, “Mançester Yunayted” İngiltərə Premyer Liqasının turnir cədvəlində 18-ci pillədə qərarlaşıb. Çərşənbə günündən etibarən komanda ilə Maurisio Poçettino çalışmağa başlayacaq.