17 noyabr 2026. Çərşənbə axşamı

“Poçettino çoxdan ‘Mançester Yunayted’in siyahısında idi”


“Poçettino çoxdan ‘Mançester Yunayted’in siyahısında idi”

“Liverpul” klubunun sabiq kapitanı Stiven Cerrard Maurisio Poçettinonun “Mançester Yunayted”in baş məşqçisi vəzifəsinə təyin olunması ilə bağlı fikirlərini bölüşüb.

90deqiqe.Az xəbər verir ki, sabiq futbolçu bu barədə “The Overlap” verilişində danışıb.

Cerrard argentinalı mütəxəssisin uzun müddətdir İngiltərə klubunun diqqət mərkəzində olduğunu bildirib. Onun sözlərinə görə, Poçettinonun futbolçularla işləmək bacarığı və komanda daxilində münasibətlər qurmaq qabiliyyəti rəhbərliyin seçimində rol oynaya bilərdi.

“Düşünürəm ki, Poçettino çoxdan namizədlər siyahısında idi. Klub rəhbərliyi uzun müddətdir ona heyran idi, lakin müxtəlif səbəblərdən onu dəvət edə bilmirdi. O, futbolçularla işləməyi yaxşı bacarır. Oyunçular onun rəhbərliyi altında çıxış etməyi sevirlər.

Ola bilsin ki, dil amili də öz rolunu oynayıb. “Mançester Yunayted”in bir çox vacib futbolçusunun ispan dilində danışdığını nəzərə alsaq, bu amil rəhbərliyin qərarına təsir etmiş ola bilər”, – deyə Cerrard bildirib.

Qeyd edək ki, “Mançester Yunayted” mövsümün uğursuz başlanğıcından sonra Maykl Kerriki baş məşqçi vəzifəsindən azad edib. Komanda Premyer Liqada 10 tur ərzində cəmi bir qələbə qazanıb və turnir cədvəlinin aşağı pillələrində qərarlaşıb.







İngiltərə P.L.