- İngiltərə P.L.
- 20:59 22.11.2026
İngiltərə çempionatının 11-ci turunda “Hall Siti” doğma meydanda “Brayton”u qəbul edib.
90deqiqe.Az-ın məlumatına görə, görüş meydan sahiblərinin 2:0 hesablı qələbəsi ilə başa çatıb. Hər iki qol matça əlavə olunmuş vaxtda vurulub.
Qarşılaşmanın əsas dönüş nöqtəsi 89-cu dəqiqədə Koştinyanın qırmızı vərəqə alaraq meydandan qovulması olub. Azlıqda qalan “Brayton” bundan dərhal sonra qapısında qol görüb. 90+2-ci dəqiqədə Luka Qurna-Duatın ötürməsindən sonra Oliver Makbörni hesabı açıb.
Qoldan sonra toparlanmağa macal tapmayan qonaqlar 90+5-ci dəqiqədə yenidən fərqlənən Makbörninin ikinci qolu ilə üzləşiblər. Beləliklə, hücumçu dubl edərək komandasına 2:0 hesablı qələbə qazandırıb.