İngiltərənin “Lids” klubunun futbolçusu Kiko Kasilya cəzalandırılacaq.
Corner.az xarici mətbuata istinadən xəbər verir ki, buna səbəb 33 yaşlı qapıçının Çempionşipin 9-cu turunun “Çarlton” – “Lids” matçında (1:0) rəqib komandanın konqolu futbolçusu Conatan Lekoya qarşı irqçilik etməsi olub.
İspaniyalı qolkiperin 8-12 oyunluq diskvalifikasiya olunması gözlənilir. İngiltərə Futbol Assosiasiyası qərarını çərşənbə günü açıqlayacaq.
Qeyd edək ki, Kiko Kasilya “Lids”ə bu yay “Real”dan keçib.
