Sonun qırmızı vərəqəsi ləğv olundu

İngiltərə Futbol Federasiyası “Totenhem”in futbolçusu Son Hın Minin qırmızı vərəqəsi ilə bağlı apellyasiya şikayətinə cavab verib.

Corner.az-ın Britaniya mətbuatına istinadən məlumatına görə,  koreyalı hücumçuya göstərilən qırmızı vərəqə ləğv olunub. Bununla da, 27 yaşlı futbolçunun 3 oyunluq cəzası aradan qalxıb.

Qeyd edək ki, Son Hın Minə Premyer Liqaının 11-ci turunda "Everton"la matçda 79-cu dəqiqədə rəqib futbolçu Andre Qomeşlə toqquşmasından sonra görüşün baş hakimi Martin Atkinson əvvəlcə sarı vərəqə versə də, futbolçunun ayağının qırıldığını bildikdən sonra qərarını dəyişərək ona qırmızı vərəqə göstərərək meydandan qovub.