Kapitanlığı əlindən alındı, "qara siyahı"ya salındı

"Arsenal"ın baş məşqçisi Unay Emeri sabiq kapitan Qranit Cakanın son durumu barədə açıqlama verib.

Corner.az xəbər verir ki, 48 yaşlı çalışdırıcı yarımmüdafiəçinin psixoloji cəhətdən hələ hazır olmadığını deyib.

Emeri isveçrəli futbolçunun "topçular"da oynamayacağını da istisna etməyib: "Caka hələ oynamağa hazır deyil. Məşqlərdə çox çalışır, ancaq özünü yaxşı hiss etmədiyini dedi. Yekun qərarı mən verəcəm. Çünki komandaya cavabdeh olan şəxs mənəm. Onun yenidən "Arsenal"da oynayıb-oynamayacağını bilmirəm. Komandaya kömək etmək istəyi varsa, bir həll yolu izah edəcək. Bizə onun səviyyəsində bir futbolçu lazımdı".

Qeyd edək ki, Caka azarkeşlərlə mübahisə etdiyi üçün kapitanlığı əlindən alınıb.