Arsenal'dan Emeri açıqlaması

Arsenal'ın idman direktoru Raul Sanllehi yolları ayıracaqları iddia edildikləri baş məşqçi Unai Emeri haqda açıqlama verib.

Corner.az Britaniya mətbuatına istinadən xəbər verir ki, o, komandanın uğursuz çıxışına baxmayaraq, ispaniyalı mütəxəssisə inandıqlarını söyləyib:

"Biz də hər kəs kimi bu mövsümkü nəticələrdən və komandanın çıxışından razı deyilik. Emerinin, futbolçuların istədiyimiz səviyyədə olmaması, azarkeşlərimiz kimi bizi də məyus edir. Hədəflərimizi gerçəkləşdirmək üçün bəzi şeylərin düzəlməsi lazımdır. Biz bunu bacaracaq şəxsin Emeri olduğuna inanırıq. İstədiyimizə nail olacağımıza inanırıq".