Misir yığması ciddi itki ilə üzləşib.
Corner.az xəbər verir ki, sözügedən komandanın futbolçusu Məhəmməd Salah zədəli olduğu üçün millinin düşərgəsini tərk edib
“Liverpul”un şərəfini qoruyan 27 yaşlı futbolçu İngiltərə Premyer Liqası çərçivəsində “Mançester Siti”yə qarşı keçirdikləri oyun zamanı zədələnmişdi. Zədəli olduğu halda millinin düşərgəsinə yollanan hücumçunun Misir yığmasına kömək edə bilməyəcəyini müəyyənləşdirən həkimlər onun İngiltərəyə qayıtmasını uyğun görüblər. Salahın zədəsinin sağalma müddəti açıqlanmayıb.
Qeyd edək ki, Misir yığmasını qarşıdakı günlərdə Afrika Kubokunun seçmə mərhələsi çərçivəsində Keniya və Komor adaları ilə oyunlar gözləyir.
